News

लाखौं लुटेको आरोपमा घुमुवा प्रहरीसहित दुई जना पक्राउ

काठमाडौं – प्रहरीले लाखौं रुपैयाँ लुटपाटमा संलग्न भएको आरोपमा दुई जना प्रहरीलाई नै पक्राउ गरेको छ ।

महानगरीय अपराध महाशाखा, काठमाडौंको टोलीले प्रहरी हवल्दार धिरेन विष्ट र प्रहरी जवान विक्रमकुमार चन्दलाई काठमाडौंको न्यूरोडबाट १० लाख रुपैयाँ लुटेको आरोपमा पक्राउ गरेको हो ।

महाशाखाका प्रमुख एसएसपी दिपककुमार थापाका अनुसार विष्ट महानगरीय प्रहरी परिसर, काठमाडौंको घुमुवा टोलीमा कार्यरत थिए भने चन्द प्रहरीको २ नम्बर गणमा कार्यरत थिए ।

प्रहरीले दुई जनालाई नै न्यूरोडका व्यवसायी विकास अग्रवालको जाहेरीका आधारमा पक्राउ गरेको हो । एसएसपी थापाका अनुसार, जाहेरीका आधारमा प्रहरीले क्लोज सर्किट (सीसी) क्यामेरा फुजेट मगाएर अनुसन्धान गरेको थियो । त्यस क्रममा दुई जना प्रहरीले रकम लगेको भेटिएको थियो ।

काठमाडौं प्रहरीले यसबारेमा थप अनुसन्धान गर्ने जनाइएको छ।

Related Articles

Back to top button
Close