News

यूएईबाट तीन नेपाली महिलाको उद्धार

दोहा- इराक र कुवेत लैजाने भन्दै दलालले संयूक्त अरब इमिरेट्स (यूएई) पुर्‍याएर अलपत्र पारेका तीन नेपाली महिलाको उद्धार गरिएको छ ।

नयाँ दिल्ली हुँदै यूएई पुगेका रुपन्देहीकी फुल कुमारी मुसाह, सिन्धुपाल्चोककी सुक्रानी तामाङ र धादिङकी मञ्जु तामाङलाई उद्धारपछि स्वदेश पठाइएको छ।

४ महिनादेखि बिचल्लीमा परेका उनीहरूलाई एनआरएनएले एयर अरबियाको उडानमार्फत नेपाल पठाएको एनआरएनए एनसीसी यूएई, क्षेत्रीय समन्वय परिषद, अलऐनका अध्यक्ष उज्वल दाहालले जानकारी दिए ।

उनीहरुलाई यूएईस्थित नेपाली दूतावासले यात्रा अनुमति पत्र बनाई दिएको थियो ।

यसैगरी, स्वदेश फर्काउन मुख्य भूमीका निर्वाह गर्ने कल्पना राई, भुमा लिम्बु, मञ्जु गुरूङ, एनआरएनए मध्यपूर्व उपसंयोजक मनोज गोर्खाली, एनआरएनए एनसीसी यूएईका अध्यक्ष प्रकाश कोईराला, एनआरएनए एनसीसी, यूएई महिला संयोजक शोभा शर्मा लगायत अन्य सहयोग गर्ने सबैप्रति हार्दिक आभार प्रकट गरेको बिज्ञप्तिमा उल्लेख गरिएको छ ।

Related Articles

Back to top button
Close