News

अमेरिकामा एकैदिन ४७ हजार बढी कोरोना संक्रमित थपिए

काठमाडौं – विश्वमा सबैभन्दा बढी कोरोना भाइरस (कोभिड–१९) का संक्रमित संयुक्त राज्य अमेरिकामा देखिएका छन् । अमेरिकामा पछिल्लो २४ घण्टामा ४७ हजारभन्दा बढी संक्रमित थपिएका छन् ।

हालसम्म अमेरिकामा कोरोना भाइरस संक्रमित हुनेको संख्या २५ लाख ५२ हजार ८ सय ३९ पुगेको छ । यो समाचार तयार पार्दासम्म पछिल्लो २४ घण्टामा अमेरिकामा ६ सयभन्दा बढीको कोरोना भाइरसका कारण ज्यान गएको छ ।

पछिल्लो अपडेट अनुसार अमेरिकामा पछिल्लो २४ घण्टामा ४७ हजार २ सय २४ जनामा कोरोना संक्रमित पुष्टि भएको छ ।

यस्तै १० लाख ६६ हजार १ सय ६७ जनाभन्दा बढी संक्रमित निको भएर घर फर्किसकेका छन् । अमेरिकामा हालसम्म कोरोना भाइरसका कारण १ लाख २७ हजारभन्दा बढीले ज्यान गुमाइसकेका छन् ।

Related Articles

Back to top button
Close