News

स्पेनमा फेरि कोरोना भाइरसको संक्रमण, २४ घण्टामा ४१४ जना संक्रमित

काठमाडौं – स्पेनमा फेरि कोरोना भाइरसको संक्रमण देखिएको छ ।

तीन महिनाअघि कोरोना भाइरस महामारीको केन्द्र बनेको स्पेनमा संक्रमण लगभग नियन्त्रणमा आएको बताइरहँदा पुनः नयाँ संक्रमित देखिएका हुन् ।

वर्ल्डोमिटर्सका अनुसार स्पेनमा पछिल्लो २४ घण्टामा ४१४ जनामा कोरोना भाइरसको संक्रमण देखिएको छ भने ३ जनाको मृत्यु भएको छ ।

कोरोनाले फेरि महामारीको रूप लिने संकेतपछि विभिन्न ठाउँमा पुनः लकडाउन पनि सुरू गरिएको छ । स्पेनको उत्तर–पश्चिमी क्षेत्र गालिसियामा पुनः लकडाउन गरिएको हो ।

७० हजार मानिसको बसोबास रहेको उक्त क्षेत्रमा आइतबार मध्य रातिदेखि शुक्रबारसम्म लागु हुने गरी गालिसियाको तटीय जिल्ला मासिनामा कामका लागि जाने वा आउनेलाई मात्रै प्रवेश र बाहिरिने अनुमति दिइएको छ ।

यसअघि उत्तर–पूर्वी क्षेत्र क्याटालोनियामा पनि कोरोना भाइरसको संक्रमण बढ्दो क्रममा देखिएपछि लकडाउन गरिएको थियो ।

Related Articles

Back to top button
Close