News

कोरोना भाइरसको आयुर्वेदिक औषधि बनाएको बाबा रामदेवको दाबी

काठमाडाैं- योग गुरु बाबा रामदेवले पतञ्जलीले कोरोना भाइरसको आयुर्वेदिक औषधि बनाउन सफल भएको दाबी गरेका छन्।

उनले आज पत्रकार सम्मेलन गरी कोरोना भाइरसको औषधि बनाएको दाबी गरेका हुन्।

“आज हामी यो भन पाउँदा गौरव अनुभव भएको छ। कोरोनाको पहिलो आयुर्वेदिक पतञ्जली रिसर्च सेन्टर र नेम्सको संयुक्त प्रयासमा तयार भएको छ,” बाबा रामदेवले भने, “यो इतिहासको ठूलो घटना हो।”

विश्‍वले कोरोना भाइरसको औषधि खोजीरहेका बेला कोरोना भाइरसको पहिलो आयुर्वेदिक औषधि तयार भइसकेको उनले दाबी गरेका हुन् । पतञ्जलीले तयार पारेको उक्त औषधिको नाम कोरोनिल राखिएको छ ।

पतञ्जलीले बनाएको उक्त औषधि बजारमा समेत किन्न सकिने जानकारी दिँदै बाबा रामदेवले भने, ‘आयूर्वेदको विधिबाट तयार पारिएको कोरोनिल आगामी सात दिनमा पतञ्‍जलीको स्टोरबाट पाउन सकिन्छ।’

पत्रकार सम्‍मेलनका क्रममा रामदेवले एलोपेथिक सिष्टमले अहिले औषधिलाई नेतृत्व गरिरहेको भए पनि पतञ्‍जलीले भने क्लिनिल कन्ट्रोलको अध्‍ययन गरेर औषधिको परीक्षण गरेको दाबी गरेका छन्।

कोरोनिलले स्वासप्रश्वास प्रणाली मजबुत बनाउनुको साथै रुघा र ज्वरो पनि ठिक पार्ने उनले जनाए।

Related Articles

Back to top button
Close